話說金仔寶號由阿爺革命奪來開始，經過老竇至自己悉心經營，但業務無大起色，眼見當年同煲同撈的老同志嫩同志個個風生水起，自己檔攤依然故我，心中一天想著如何揾錢，真係諗到頭大，突然靈機一動，中國大哥攪金融好成功，錢揾錢，已成為儲畜最多的國家，早已超英趕美，但，挨！攪金融市場，冇錯揾錢快，但若要揾美帝幫手攪財技，則萬萬不能。
又突然靈機一觸，金仔是何等聰明人，連美總統侵侵都讚他，自己不能攪金融市場，可以借助人哋金融市場揾錢，大家都知道，金融市場是最反映世局之地方，有乜風吹草動，股票市場可以跌到你唔信，所以多個月前，揾左橫手喺華爾街開左好多個戶口，話晒美國金融市場是全世界最大，多多食起，大大照起，唔掂有政府支持，因為Too
big to fail囉，跟住定期拋空，又股票又期貨加埋期指，做左空倉，又做埋VIX，然後發個飛彈落日本海，做成市場震盪，可以大撈一筆。
以下是鍾情局取得人民勞動黨開會嘅錄音：
他的媽，市場無大反應，美股係咁升，不斷創新高，當我哋火箭冇料到，可怒也，於是再加空倉，接二連三久不久射之火箭示下警，一次股市唔冧，兩次唔冧，真冇符，最後，整個氫彈自爆，照計又唔係射出去，係自己地頭玩下都得啩，美國佬冇理由郁得我哋，氫彈喎，雖然冇核彈咁犀利，始終有一定殺傷力，真的要郁之前好多顧忌。呢次有的的威力，雖然美股遲左兩日先至跌二百幾點，但計埋以前落注平均價，歸本還有一大段距離，所以我哋不繼放聲氣，話會繼續送禮物比美國佬，點知冇佢收，跌一日就反彈，雖然回升少少，強差我意，依慣例，股市跌開就跌，因為我成日聽香港的財經專家教路，股市一跌就話下試，跌穿一個支持位又有下一個支持位，所以我都唔明點為之支持。但無論如何，洗濕個頭，現在欲罷不能，美股不跌不平倉，儲夠彈藥，再來射過。
加上數學符號等於6
1 1 1 = 6
2 2 2 = 6
3 3 3 = 6
4 4 4 = 6
5 5 5 = 6
6 6 6 = 6
7 7 7 = 6
8 8 8 = 6
9 9 9 = 6
沒有留言:
張貼留言