假如我聽阿邊個話...

-假如我聽某政府高官話，未來有幾多萬個樓房供應，結果我未有買樓。

-又假如我聽某某政府高官話，未來息口只有增加，會影響供樓能力，結果又冇買到樓。

-又再假如我聽阿某某某高官話，政府正密切注意情况，必要時採取措施(打壓樓價)，所以仍然冇買樓。

-假如我聽李嘉誠話，買樓要量力而為，我算一算，耗盡積蓄俾首期，每月收入大半要供幾十年，加上份工唔穩陣，計唔掂數，結果都冇買到樓。

-假如我聽李兆基話，買股票好過買樓，結果股票輸足幾年，而樓價係咁升，更加買唔起樓。

-假如我聽專家話，樓價將會下調百分之幾多又幾多，我等下等下，又唔見跌到我買得起，所以繼續冇買樓。

-假如我聽新聞報導話，又有銀主盤，又有百千萬元的蝕讓，但等極都唔見有平貨執，所以重係未買樓。

-假如我聽貪官話，香港每年新樓供應都唔夠佢哋買，我瞌埋雙眼，瞓身落去，而家發左達，可惜我唔識貪官。