高官品格照妖鏡 (社會篇三十)

近期特首高官住宅僭建事件﹐令人搖頭嘆息﹐不單知法犯法﹐還把市民當白痴﹐事件陸續被揭發後﹐一個二個扮無知﹐[吓﹗原來唔得嘅咩﹐當初設計師幫我造個喎﹐咁依家我揾專家睇吓囉]。跟住就拆除﹐好像唔關佢哋事。筆者一介平民﹐也知道任何加建或封密露台﹐與原圖積不符﹐一定是違規違法﹐如果咁都話唔知﹐咁冇常識﹐如何做高官﹐每月數十萬計的薪津﹐納稅人真冤枉。

最攪笑的是身為阿頭﹐被下屬警告不理﹐後來釘了契﹐還說只是敏感度不足﹐簡直是無知無覺﹐好官我自為知。這是甚麼世界!

作為高官﹐一切行為﹐應該是 whiter than white!